TLAMESS

Logo da morte da nai, un soldado mozo asentado no deserto tunesino volve á casa cun permiso para unha semana, mais decide non regresar ao exército e desertar. Na fuxida é perseguido pola policía ata que chega a unha zona en construción dunha vila en crecemento na que desaparecerá. Un día, unha muller embarazada encontra un home de rara aparencia mentres pasea polo medio do bosque. É o exsoldado que logrou sobrevivir. A partir dese momento, terán lugar unha serie de estraños acontecementos que afectarán tanto o exsoldado coma a muller e o seu futuro fillo.

Crítica Cineuropa

A atmosfera do segundo filme de Ala Eddine Slim é desde o primeiro momento electrizante e anómala. Cun ollo posto no cinema de Apichatpong Weerasethakul e o seu sistema de convivencia do real co fantástico, o método de Eddine Slim é máis lento e inmersivo: o que comeza como unha narración bélica acaba por converterse en algo moito máis complexo e alucinado. O protagonista deserta da guerra, do mundo e da realidade e pasa a converterse nun ermitán que só fala cos ollos, seica o único xeito verdadeiro de comunicarse.