MARTIN EDEN

Martin Eden é un mozo vilego que gaña a vida traballando como mariñeiro. Un día, Martin consegue salvar a vida de Arthur Morse, un mozo de clase alta que vive en San Francisco. Como agradecemento, Arthur convídao ao seu fogar e, aos poucos, vaino introducindo no seu propio estilo de vida. Martin ve isto como unha oportunidade para converterse en escritor e trata de aproveitar ao máximo o tempo vivido entre luxos. O mozo recibirá un pulo inesperado cando coñeza a Ruth, unha moza da que se namora ao momento.

Crítica Cineuropa

Adaptación libre da novela semiautobiográfica do gran Jack London, Martin Eden é un fresco sobre o vaivén dos tempos, da mentalidade individualista e da imposibilidade dos saltos dunha clase social a outra. Cada unha ten os seus resortes e cortalumes para que eses transvases non se produzan. Filme atemporal no sentido de que non segue unha liña histórica decidida (o cineasta incluso introduce imaxes de dous documentais seus anteriores), no que Marcello fai un impresionante traballo de imaxes ocres e un fresco social que lembra o cinema italiano doutros tempos máis politizados, con máis conciencia de estar no mundo.