Ano
2019
Logo da misteriosa desaparición do seu marido, Mariam, nai de catro fillos pequenos, vese na obriga de tomar decisións fatais, pero tamén de redescubrir a súa feminidade.
Moitas veces o cinema consiste en focalizar ben o que verdadeiramente importa. En Mariam, a realizadora non despega a cámara da súa protagonista, a casaca Meruert Sabbusinova, e iso significa que recolle momentos importantes (a desaparición do seu marido, a denuncia na policía) e outros máis aleatorios (co gando ou simplemente o seu corpo avanzando pola neve). A suma de todos eses anacos de tempo funciona como retrato máis alá da peripecia argumental, que pode ser máis ou menos predicible. Eses momentos de intimidade con esta actriz (ou non-actriz, é algo que descoñecemos) son a verdadeira alma do filme.