Ano
2018
Unha muller con tendencias suicidas, Irma, crúzase en Aviñón con Dolorès, unha muller moderna que ten por misión redactar unha guía turística gay-friendly nun recanto esquecido da Provenza. A improbable parella lánzase á estrada, pero en vez da Provenza pintoresca buscada nun principio, descubrirán un mundo complexo e unha humanidade acolledora. Para cada unha delas, esta será unha viaxe iniciática.
Curiosísima road movie que comeza cun “truco” de guión para forzar un nexo entre as dúas protagonistas (ben Bojena Horackova e mellor aínda Lola Dueñas) que emprenden unha viaxe xunto coa propia película que vai da ficción a unha sorte de documental “contaminado”. Filme de paisaxes naturais, pero sobre todo humanas, o importante son os retratos da xente anónima que estas dúas mulleres en busca de “algo” vai atopando polo camiño. Anne Alix fílmaos nos seus traballos ou ambientes e déixalles un espazo xeneroso para que os comprendamos con dúas pinceladas. Como di unha frase de Van Gogh que aparece no filme, “non hai nada máis artístico que amar a xente”.