Ano
2018
Na Sardeña, unha nena de 10 anos que medrou coa súa nai adoptiva coñece a súa nai biolóxica.
Semella que as irmás Alice e Alba Rohrwacher son un xénero en si mesmas polos elementos en común que teñen tanto os filmes que dirixe a primeira (Lazzaro felice, O país das marabillas) como os títulos nos que traballa como actriz a segunda (Io sono l’amore ou esta Figlia mia). Aquí temos varios destes elementos: exaltación da natureza, estación estival, calor, ollada feminina ou feminista (ou ambas), sensualidade e un aire de drama leve onde hai espazo para o optimismo e a alegría de vivir. O filme brinda un duelo actoral entre Alice Rohrwacher e Valeria Golino, nai natural e adoptiva respectivamente da figlia do título.