Ano
2019
2019
Bulgaria, Grecia
87 min.
Drama, comedia
Búlgaro
Vasil acaba de perder a súa esposa Ivanka. Cando unha muller lle comenta despois do funeral que a falecida chamou ao seu móbil, busca a axuda dun coñecido médium para contactar coa súa muller. O seu fillo Pavel tenta que recupere o xuízo, pero el insiste teimosamente en facer as cousas ao seu xeito.
Os enterros sempre son un bo punto de partida, tanto para o drama como para a comedia. Este filme búlgaro decántase decididamente pola segunda opción, e ofrece ao espectador un duelo xeracional entre un pai que se resiste a aceitar a morte da súa muller e un fillo algo canso que só desexa volver ao seu día a día na cidade. Polo medio: demencia senil, maxia de ultratumba, médiums algo preguizosos e unha celebración eufórica do absurdo da existencia. O mellor nestes casos é deixarse levar e aceptar co estoicismo que mostra o noso protagonista, a sucesión de situación estrafalarias. A vantaxe é que nós podemos rir delas, e para iso tamén axuda que o director sempre atope a distancia adecuada para contar cada escena.