Ano
2019
2019
Turquía
115 min.
Terror, ciencia ficción
Turco
Nunha Turquía distópica, o Goberno comeza a instalar por todo o país redes que permiten monitorizar as accións da cidadanía. Un día, mentres se realiza unha instalación, algo se torce. O resultado tradúcese na presenza dunha entidade demoníaca que realiza transmisións que poñen en perigo a saúde da poboación local.
Nesta distopía turca semella que no futuro volvemos cara a atrás e que o mundo se converte nunha especie de república checa dos anos 70, gris e kafkiana. O goberno impón un sistema de control dos cidadáns que é unha mestura entre as teorías da nova carne de David Cronenberg e o discurso doutros artesáns aínda máis politizados, como o gran Larry Cohen facía en The in-natural. Unha entidade maligna aproveita os órganos de poder para contaminar cada triste bloque de vivendas, rodado cunha aterradora monotonía de planos estáticos. A vida nestes pisos poscomunistas é tan gris que a aparición de fenómenos diabólicos é case asumida con naturalidade resignada. De todos os xeitos, o noso heroe non cede e intenta alzarse contra todos aínda que todo indica que a súa aventura está condenada ao fracaso nun mundo onde o mal xa gañou hai tempo.