I COVER THE WATERFRONT / Á SOMBRA DOS PEIRAOS

Joe Miller é un xornalista de The Standard e o seu traballo consiste en cubrir as novas do porto. Sospeita que un dos mariñeiros está involucrado nun feo asunto de contrabando relacionado con traficantes chineses. Con todo, como non ten probas, o seu xefe non lles dá creto ás súas conxecturas. Pero a Miller preséntaselle a ocasión de progresar na súa investigación cando coñece a Julie, a filla do mariñeiro, e decide facerlle as beiras.

Crítica

“Hai neste filme diversas escenas duras e memorables e moitos momentos infrecuentes nos que a heroína simplemente pasa o tempo coa madame dun prostíbulo mentres agarda para levar á casa o seu pai alcohólico”.

Pauline Kael