Ano
2019
Rocks é unha adolescente con grandes soños de futuro, amigas leais e divertidas e un irmán pequeno algo traste que a adora, Emmanuel. A Rocks gústalle o instituto, e vive unha vida plena no East London coas súas amigas. Pero un día, o mundo de Rocks derrúbase cando ao chegar do instituto se decata de que súa nai marchou da casa, deixando algo de diñeiro e unha nota cunha única explicación: “síntoo”.
A historia é coñecida: barriada marxinal de gran cidade (Londres), unha protagonista abandonada á sorte dos servizos sociais e un feixe de amigas que serven como apoio. Por iso é tan importante a achega da directora, que decide como contar outra vez este conto, e case todas as decisión que toma Sarah Gavron son correctas: no casting multirracial, na utilización da música, das imaxes de dispositivos móbiles… todo suma para que a transmisión de emocións dende a pantalla ao espectador sexa a correcta e non se perda nada polo camiño.
Bukky Bakray, Kosar Ali, D’angelou Osei Kissiedu, Shaneigha-Monik Greyson, Ruby Stokes, Tawheda Begum, Afi Okaidja, Anastasia Dymitrow, Sarah Niles, Layo-Christina Akinlude, Sharon D. Clarke
Guión: Theresa Ikoko, Claire Wilson
Fotografía: Hélène Louvart
Música: Emilie Levienaise-Farrouch