PREMATURE

Antes de marchar para a universidade, Ayanna, de 17 anos, coñece o atractivo e misterioso Isaiah durante o verán. O seu mundo enteiro dá unha reviravolta mentres camiña cara ao terreo da descuberta e cara ao amor.

Crítica Cineuropa

Que terán as relacións románticas que directores de todo o mundo caen unha e outra vez en contar a mesma historia case punto por punto, con mínimas variacións? Por que nós, como espectadores, estamos sempre dispostos a que nos conten esa historia de moza coñece mozo (e as súas infinitas variacións) unha e outra vez? Quizais unha resposta a teña este suave filme de Rasheed Ernesto Green, coguionizado pola protagonista, que, unha vez adiviñada a trama desde o comezo, nos leva por lugares xa transitados, por iso mesmo gozables con placidez, libres para centrarnos nos detalles, na sensualidade, na descrición de Harlem no verán, dos leves acenos do amor…