MONOS

Un grupo de adolescentes guerrilleiros alcumados “Los Monos” teñen a misión de protexer unha doutora americana secuestrada en Colombia. Achégase unha gran batalla e os mozos deberán facer fronte ao inimigo e defendela.

Crítica Cineuropa

Cando hai unha contorna de illamento, xuventude e violencia, a referencia a O señor das moscas, de William Golding é obrigada. A crítica tamén nomea Apocalypse Now para encadrar este filme de Alejandro Landes, poderoso e cheo de misterio. Aquí hai unha abstracción: un grupo guerrilleiro que pode ser calquera, unha refén e unha natureza espectacular e salvaxe, idónea para perder a cabeza pouco a pouco mentres a película volve ser cada vez máis lisérxica. Landes compón un filme de imaxes cinematograficamente puras, que pasa do drama ao cinema de aventuras co terror sempre axexando ao fondo do plano.