LES HIRONDELLES DE KABUL (THE SWALLOWS OF KABUL) / AS ANDURIÑAS DE KABUL

No verán de 1998 Kabul é unha cidade en ruínas ocupada polos talibáns. Mohsen e Zunaira son dous adolescentes que se namoraron malia viviren nunha contorna chea de violencia e miseria. Aínda que van sobrevivindo día a día, un acto irresponsable de Mohsen cambiará as súas vidas para sempre.

Crítica Cineuropa

Acuarelas para o mundo gris do réxime talibán en Afganistán. O trazo sinxelo flúe e o vigor desta dura historia que nunca perde pulos consegue que un esqueza por momentos que está vendo un filme de animación. Bo sinal. Na metade hai un xiro de guión algo forzado, pero que renova a sucesión de acontecementos vista ata o momento e lanza a película e as súas personaxes cheas de matices a novos lugares. Mención á parte merece o traballo dos diálogos e as voces, que coa súa naturalidade en cada frase e inflexión, logran que Les hirondelles de Kaboul se converta nunha experiencia inmersiva e moi recomendable.