KOIRAT EIVÄT KÄYTÄ HOUSUJA / DOGS DON’T WEAR PANTS

Juha, despois de sufrir un incidente traumático que a deixa paralizada a nivel emocional, desenvolve unha inesperada pero poderosa conexión cunha dominatrix chamada Mona. A súa perigosa adicción ao sufoco recibe unha apracible resposta por parte de Mona, que leva a súa nova compañeira cara á iluminación espiritual a través dun camiño salvaxe e atolado.

Crítica Cineuropa

Cando un observa os filmes de xente como o austríaco Ulrich Seidl, ou este traballo do finlandés J-P Valkeäppä, séntese tentado a vincular frío e monotonía con alienación, psicopatías varias e condutas aberrantes. Semella que para compensar a rutina de vidas que polo frío ou pola forma de ser da sociedade se reducen ao traballo e á casa, os habitantes de países nórdicos intentan, de portas para dentro, se conducen do xeito máis disparatado e perverso posible. Dogs don’t wear pants establece unha relación de submisión que reborda humor negro, neóns de cores agresivas, un algo de tenrura e moito látex e descontrol. Están tolos estes nórdicos, que diría Astérix.