FAMILY ROMANCE, LLC

Un home é contratado para facerse pasar polo pai desaparecido dunha nena.

Crítica Cineuropa

Insólito filme dun cineasta xa de por si insólito e cunha carreira non menos orixinal e extraordinaria. Esta especie de fábula sobre a soidade e a necesidade de afastala, posúe unha estraña beleza, un ton entre o entomólogo que observa un terrario e un humanismo desarmante sobre as súas criaturas. Pais de encargo que, pola súa vez, seica forman parte doutra familia artificial: Herzog constrúe un mecanismo que amosa a fraxilidade dos núcleos familiares ao mesmo tempo que fai unha elexía aos lazos case máxicos que vinculan uns seres humanos con outros.