CAT IN THE WALL / UN GATO NA PAREDE

Na localidade multicultural de Peckham, situada no sueste de Londres, a vida vese agravada pola xentrificación. Irina, unha nai solteira de orixe búlgara, quere triunfar como arquitecta e négase a vivir dos subsidios como fai a maioría da veciñanza, polo que pretende convencela de loitar contra o sistema. Cando un gato aparece atrapado na súa parede, a súa familia entrará en conflito cos algúns dos veciños e veciñas.

Crítica Cineuropa

Nun dos contos máis famosos de Edgar Allan Poe tamén había un gato atrapado entre paredes. Pero nos tempos de Poe, palabras malsoantes como “xentrificación” ou “Brexit” carecían de significado: aquí son o pano de fondo do que se nutre a historia. No filme da parella de realizadoras búlgaras, o gato en cuestión é o catalizador dun conflito entre veciños (uns ingleses e outros búlgaros) e serve para levantar a alfombra (a moqueta, máis ben) inglesa e mostrar un chisco das miserias da sociedade do benestar dun xeito ácido e basculando entre o drama e a comedia de xeito fluído.