AMOUR FOU

No seo da xélida aristocracia decimonónica alemá, preocupada ao ver en perigo os seus privilexios pola influencia das ideas revolucionarias importadas de Francia, o mozo poeta Heinrich decide poñerlle fin á súa existencia e proponlle á súa prima Marie suicidarse xuntos. Ante o escepticismo dela, o poeta reitéralle a súa proposta a Henriette, nai de familia que lle declarou a súa admiración pola última novela. Esta verase tentada a aceptar despois de saber que padece unha doenza incurable. Conseguirá este home atormentado convencer unha das mulleres a acompañalo ao menos na morte? A cal delas?