#CINEUROPA33

SANTIAGO DE COMPOSTELA
7/28 NOVEMBRO 2019

Premios do Público de #Cineuropa33

Coñece as películas gañadoras

SECCIÓNS OFICIAIS

Sección Europea

A mellor colleita cinematográfica do vello continente, con creadores tan destacados como Rodrigo Sorogoyen, os Dardenne, Agnieszka Holland, Jessica Hausner, etc.

Panorama Internacional

Unha selección das películas que iluminaron durante este ano as pantallas dos festivais máis importantes (Cannes, Berlín, Venecia, Toronto, San Sebastián, entre outras). E moito máis!

Latidoamericano

Nesta sección achegarémonos ás novas voces iberoamericanas e a algúns dos traballos máis interesantes, pertinentes e combativos que chegan desde o outro lado do Atlántico, como os de Pablo Larraín, Alejandro Landes ou María Alché.

Animaeuropa

Unha das grandes novidades do cartel recolle algúns dos títulos de animación máis celebrados nos últimos anos, como Virus tropical, de Santiago Caicedo, Ride Your Wave, de Masaaki Yuasa, ou L’extraordinaire voyage de Marona, de Anca Damian, entre moitos outros.

Docs Cineuropa

Os documentais acadan este ano unha alta calidade, coa suma de vinte títulos e nomes como Selfie, de Agostino Ferrente; Jawline, de Liza Mandelup; e Delphine et Carole, insoumuses, de Callisto McNulty.

PREMIOS CINEUROPA

Este 2019, Cineuropa33 recoñece as traxectorias da directora Rita Azevedo edas actrices María Vázquez e Emma Suárez.

Ver máis

SECCIÓNS PARALELAS

Cine e cambio climático

Unha reflexión a través do cine sobre un dos grandes temas do século XXI: a emerxencia climática. Cales son os efectos da humanidade no planeta? Como lle afectan os avances tecnolóxicos ao medio ambiente?

Maratón

Unha noite en vela para gozar dunha experiencia cinematográfica única en sesión continua. Todo un clásico de Cineuropa que regresa con sorpresas nesta nova edición do festival.

“Bechdel en Hollywood”

Un ciclo que emprega o famoso “test de Bechdel” para proxectar diversos traballos que o superan con nota, onde veremos que o feminismo é algo máis complexo que superar unha simple enquisa.

“A crítica guerreira”

Unha ollada especial a Pauline Kael, escritora do New Yorker e autora das críticas de miles de filmes que influíron en toda unha xeración de espectadores e cineastas.

Hayao Miyazaki: “Nos ollos dunha nena”

Unha chiscadela a Hayao Miyazaki, fundador do Studio Ghibli e responsable de películas de culto como A viaxe de Chihiro, que proxectarase no festival.

Jessica Hausner

Unha homenaxe á célebre directora, produtora e guionista austríaca, presente tamén na sección oficial co seu novo filme Little Joe.

Jonas Mekas

Unha sección con voces expertas para ilustrarnos sobre o cine do recentemente finado director lituano, a quen homenaxeamos coa proxección de dous dos seus traballos en 16 mm.

Premios Lux

Unha selección dos galardóns cinematográficos do Parlamento Europeo, con filmes que mostran a universalidade e a diversidade da cultura europea.

Pre-estreas

Cineuropa dará a coñecer filmes que aínda non están na carteleria! Eroski Paraíso, Longa noite, La hija de un ladrón, La ola verde (que sea ley), J’accuseou, Si me borrara el viento lo que yo canto pasarán polo festival!

Paisaxes urbanas

O cinema galego, que cada ano reforza a súa presenza nos festivais de todo o mundo, terá tamén o seu espazo destacado. Achegarémonos aos retratos do cine recente do noso país sobre as cidades, afastados do clixé que o sitúa só no rural, e asistiremos á preestrea de dúas das películas galegas máis esperadas.

Emma Suárez

Un actriz consagrada cuxa traxectoria representa unha das mellores seleccións do cine estatal dos últimos anos. Premio Cineuropa33, no festival poderanse ver El perro del hortelano, La propera pell e Vacas, filme escollido para pechar esta edición de Cineuropa.

María Vázquez

O público poderá seguir a explosión e madurez interpretativa da actriz galega a través das películas Mataharis, Trote e a recente Quien a hierro mata. A entrega do seu Premio Cineuropa33 terá lugar durante a gala inaugural do festival.

Rita Azevedo

A realizadora portuguesa, galardoada co Premio Cineuropa33, destaca por asinar unha obra curta, pero imprescindible, cunha factura cinematográfica moi escénica con ecos doutras artes como o teatro ou a pintura. Cineuropa acollerá a estrea do seu último título, Danses macabres, squelettes, et autres fantaisies.

Varda/Akerman. Punto e seguido

Imposible esquecerse nunha edición con perspectiva feminina de dúas precursoras que lles abriron as portas a todas as creadoras que viñeron despois.

Sesións especiais

A programación de Cineuropa33 inclúe tres películas sorpresa: unha dos anos 70, outra dos 80 e unha terceira que será actual e de estrea.

Non perdas detalle da programación

Descarga o catálogo en PDF

ÚLTIMAS NOTICIAS

Noticias